Құрметті Дина Орымбаевна!

Сізді жас ғалымдарға арналған «КМУ/2026-2028» жобасы бойынша гранттық қаржыландыру конкурсының жеңімпазы атануыңызбен шын жүректен құттықтаймыз! Бұл айтулы жетістік – ғылымға деген адал еңбегіңіздің, кәсіби біліктілігіңіздің, ізденімпаздығыңыз бен табандылығыңыздың жарқын жемісі. Жобаңыздың жоғары бағалануы – ғылыми әлеуетіңіз бен жаңашыл идеяларыңыздың айқын дәлелі. Алдағы уақытта ғылыми зерттеулеріңіз жемісті болып, жаңа ғылыми жетістіктер мен тың жаңалықтарға жете беруіңізге тілектеспіз. Барлық бастамаларыңыз сәтті жүзеге асып, ғылым жолындағы еңбегіңіз еліміздің өркендеуіне елеулі үлес қоса берсін!

Өзіңізге зор денсаулық, отбасылық амандық, шығармашылық шабыт, сарқылмас күш-қуат және кәсіби қызметіңізге толағай табыстар тілейміз!

Ізгі тілекпен, АЕТИ ұжымы!